Qinersisartunik Kofoeds Skolemi ataatsimiititsisoqalersoq

Partiit assigiinngitsut Inatsisartunut qinersisoqarnissaanut atatillugu qinersisartunut Nuummi Kofoeds Skolemi apriilip ulluisa aqqarnanni ataatsimiitsinneqassapput, Inuit Ataqatigiillu matumani suliniuteqartuupput.
Assi © : Kofoeds Skole i Nuuk
Allattoq Jonas Fievé
apriilip 10-at 2018 07:02
Nutserisoq Mads Lynge

Angerlarsimaffeqanngitsut inuuniarnikkullu ajornartorsiortut inatsisartunut qineqqusaarnermi oqariartorsinnaanissaat periarfissinniarlugit qinersisartunik Nuummi Kofoeds Skolemi ataatsimiititsisoqarniarpoq.

Qinigassanngortittut isummaminnik sivikitsuinnarmik saqqummiussinissamut periarfissinneqassapput,
taamatut ataatsimiititsisoqarnerata allaanerusumik ingerlanneqarnissaa pilersaarutaammat.

Partiimmi tamarmik ataatsimoorussaralugu nalunaarutaanni atuarneqarsinnaavoq qinersisartut ataatsimeereernerup kingorna agguataarlugit workshopertinneqassasut. Qinersisartut politikerinut kaammattuutissanik suliaqassapput.

Politikerit, angerlarsimaffeqanngitsut, inuuniarnermikkullu ajornartorsiuteqartut tamarmik suleqatigiillutik aaqqiissutissanik siunnersuusiorsinnaanissaat anguniagaasoq partiit nalunaarutigaat.

Nunatsinni angerlarsimaffeqanngitsut ikinerpaamik 878-iusut Naalakkersuisut kisitsisaataasa 2017-imeersut takutippaat.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq