Knud Rasmusseni pillugu filmiliaq alutoraat

Københavnimi filmertarfiit ilaani, Empire Biomi, natersuaaraq tummarfissaq aappaluttoq ippassaq siaaqqavoq. Tassami ilisimasassarsiortartorsuaq Knud Rasmussen pillugu filmiliap , ”The Journals of Knud Rasmussen”-p ilaa, Danmarkimi ippassaq takutinneqarpoq. Københavnimi Filminik takutitsisaqattaarnermi, Copenhagen Filmfestivalimi, issittumut ilisimasassarsiortartup tallimassaa ilisimasassarsiornermini Thulemut ilisimasassarsiornera, Igloolimmiunillu naapitseqqaarnera takutinneqarpoq.

Filmimi ilitsersuisuupput canadamiut suleqatigiit Zacharias Kunuk aamma Norman Cohn, inuit isaat atorlugillusooq oqaluttuartut.

Filmillu taamatut allanit oqaluttuarineqarnera alutornarluinnarpoq, ICC-mi siulittaasoq, Aqqaluk Lynge, filmimik ippassaq isiginnaaqqaartunut ilaasoq oqarpoq:

- Isumaqarpunga Akilinermiuninngaaniit isigalugu filmi pisariaqartuusoq, uagut kalaallit Knud Rasmussenimut ataqqinninnerput, allallu tamaasa eqqarsaatigalugit, pisariaqartoq taama isigissallugu.

Aqqaluk Lynge oqarpoq. ”The Journals of Knud Rasmussen Danmarkimi novembarimi takuteqqaarneqassaaq.