Knud Rasmussen pillugu atuagaq nutaaq

Atuagarli issittumi ilisimasassarsiortarnera pillugu atuakkiaanani, inuttut qanimut qanoq ittuunera, ikinngutitut, eqqumiitsuliortutut arnanillu ajuutigineqartarnera pillugu atukkiaavoq.

Atuagaq taaguuteqarpoq ´Manden bag helten´, kalaallisuunngorlugu 'angutip pingaarutilliip tunualiaqutaa'. Qallunaaq tusagassiortoq atuakkiortorlu Niels Barfoed, atuakkiortuuvoq, taassuma Knud Rasmussen anersaakkut siulersortitut naatsorsuuppaa.

- Kunuunnguup inuit takuinnarlugit qanoq ittuuneri takusinnaasarpai, atuakkiortoq aviisimi ullormut saqqummersartumi Informationemi apersorneqarluni oqarpoq, assersuutitullu oqaluttuaralugu Knud Rasmussenip arnaq kalaaleq takusani Københavnimi peqqissaasunngorniarluni ilinniartussatut piukkunnarnersoq nalilersinnaasarsimagaa.

Kununnguaq Ilulissani peroriartorpoq, meeranerminiillu oqaatsit marluk atorlugit peroriartorluni,  taamaalilluni peroriartorami qallunaat illuatungaanilu kalaallit sanileriissillugit peroriartorluni.

Kalaaliunini Danmarkimi Europamilu takutittarpaa. Kalaallit Nunaat pingaarnersaasutut isigaa, illersorlugu, ajunngitsuliorfigalugu, ilami kunngitut aamma isigisaalluni, Københavnimi kalaallisut isigineqartaraluarluni Nunatsinni kalaalivittut isigineqarsimanngilaq.

Knud Rasmussen pillugu atukkiaq ´Manden bag helten"  aqagu saqqummissaaq atuakkanik saqqummersitsisarfik Gyldendal aqqutigalugu.