KNR TV-ip illoqarfinni TV-qarfiit suleqatiginerulissavai

Kujataani nutaarsiassanik septemberip ulluisa aallaqqaanit KNR TV aallakaatitsisalissaaq, tamanna KNR-ip kujaataani immikkoortortaqarfiani suliarineqartassalluni.

Nuummi nutaarsiassat Nuuk TV-mi suliarineqartassapput, Sisimiunninngaaniillu nutaarsiassat Sisimiut TV-anit suliarineqartassallutik.

Avanaani nutaarsiassat Ilulissani TV-qarfimmit, Arctic TV-mit suliarineqartassapput.

KNR-ip illoqarfinni TV-qarfinnik suleqateqarnerup sukumiinerulernissaanik suliniuteqarnerata saniatigut, KNR Danmarks Radiomik suleqateqarnini annertusarniarpaa. Taamaaliornikkut KNR-imi sulisut taamatullu illoqarfinni TV-qarfinni sulisut Danmarks Radiomi pikkorissartinneqartalernissaat anguniarneqarluni, KNR-imi pisortaq, Jakob Abelsen tusagassiuutinut nalunaarummini taama allappoq.

Aamma atuaruk Piffinni tv-kkut peqatigiiffinnik annertunerusumik suleqateqalernissaq