KNR radiomi ukiutoqqami nalorsitsaarineq, decembarip 31-iani nal. 16 - 17
Kalaallit Nunaata oqaluttuarisaanera nutaajunerusoq pillugu apeqquteqarluni nalorsitsaarineq tusarnaarsinnaavat. Ruth Heilmann, Finn Karlsen, Per Berthelsen, Mimi Karlsen, Josef Motzfeldt aamma Kuupik Kleist ukiutoqqami ualikkut nalorsitsaarinermut peqataassapput.
Allattoq Peter Troelsen, Simon Uldum
Peter Steffani, isiginnaartitsisartoqatigiinni NAIP-mi quiasaarisartutut ilisarisimaneqartoq aqutsisuussaaq. Naliliisuussaaq taalliortoq Marianne Petersen, Nunat Avannarliit atuakkiortunut nersornaasiuttagaannut innersuunneqartoq, nalorsitsaarinermilu atuaasuussaaq Nathan Biilmann. Aallakaatitassiamik aaqqissuisuuvoq Peter Rosbach Lynge.
Aallakaatitassiaq KNR radiokkut nal. 16.00 - 17.00 tusarnaarneqarsinnaavoq.