KNR-mi atorfilik suliaminit tunuartitaagallartoq
KNR-imi sulisut peqatigiiffiata aningaasaatai atornerlunneqarsimammata aningaasaateqarfimmik akisussaasoq dankortimillu paarinnittoq maanna politiinut nalunaarutigineqarlunilu suliassanngortinneqarsimalersoq, KNR-ip pisortaa, Karl-Henrik Simonsen, tusagassiuutinut oqarpoq.
Sulisut peqatigiiffiata aningaasaatai 50.000 koruunit missaanniittut atornerlunneqarsimasut ilisimatitsissutigineqarpoq.
Suliaq politiinit suliarineqarnerani atorfilik atuuffimminit tunuartinneqarallartariaqarsimavoq.
Suliarlu politiinit suliarineqarmat KNR annerusumik oqaaseqarsinnaanani tusagassiuutinut nalunaaruteqarpoq.