KNR-ip webimi aaqqissuisoq soraarsippaa
KNR-imit paasivarput web-imi aaqqissuisutta, e-maili suliffeqarfiup iluani nassuissani, kukkulluni Partii Inuit siulittaasuannut nassiuttoorsimagaa. E-mailip imarisaa KNR-ip naleqartitaanut malittarisassaanullu naapertuutinngilluinnarpoq.
februaarip 03-at 2014 12:38
KNR-imut pingaaruteqarnerpaaq tassaavoq innuttaasut kikkuugaluarunilluunniit suliatsinnut tatiginnissinnaanissaat aammalu kikkuugaluartulluunniit oqaatsit, sumiuussuseq, isummersortaatsit allalluunniit apeqqutaatiginnagit ataqqinarpaluttumik torersumillu pineqarnissaat tatigineqarsinnaassasoq. Matumanili taamatut pisoqarsimasorinngilarput.
Tamannalu pissutigalugu KNR aaqqissuisoq erngertumik soraarsinniarlugu aalajangerpoq.
KNR-imit pisoq ajuusaarutigeqaarput minnerunngitsumillu Partii Inuit siulittaasuannut Nikku Olsenimut ajuusaarnerput apuukkusullutigu.
