KNR-ip USA-mi qinersinermut atatillugu aallakaatitsinini annertusassagaa

USA-mi præsidentimut qinersisoqarpoq, tamatumunngalu atatillugu amerikamiut qinersinerat KNR-imit immikkut sammissavarput.
Allattoq Aaqqissuisoqarfik / Redaktionen
novembarip 08-at 2016 10:34

Aallakaatitassiat sivitsorneqassapput qinersinerlu pillugu nutaarsiassat kingulliit aamma saqqummiunneqartassallutik.

DR2-p USA-mi qinersineq pillugu aallakaatitassiaa toqqaannartoq KNR-TV-kkut toqqaannartumik aallakaatinneqassaaq.

Qinersineq pillugu aallakaatitassiaq toqqaannartoq KNR 1-ikkut ullumikkut nal. 10.00-imit 16.00-imut malittarineqarsinnaavoq. Nal. 16.00-ip kingorna aallakaatitsineq KNR 2-kkut nanginneqassaaq pingasunngorpallu ullaakkut nal. 10.00 tungaanut aallakaatinneqassalluni.

Qanoruup pingasunngorpat unnukkut aallakaatitsinini minutsinik 30-nik sivitsussavaa.

Radioaviisip pingasornerup ullaavani nal. 7 aamma nal. 8 aallakaatitassiani kalaallisoortut danskisoortullu minutsinik qulinik sivitsussavai.

Qinersineq aamma KNR.gl-ikkut ullaakkut nalunaaqutaq tallimanit toqqaannartumik malittarineqassaaq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq