KNR-ip illuutigisimasaa ikuallattoq: Inunnik ajoqusertoqanngilaq

KNR-ip illuutigisimasaata ilaa ippassaq sisamanngornermi unnukkut ikuallappoq, ikuallannerlu qatserisartunit qatsilertorneqarsimammat siaruangaarsimanngilaq.
Ikuallanneq qanoq aallartissimanersoq, politiit maannamut oqaatigisinnaanngilaat. Assi © : Isak Berthelsen
Allattoq Nutaarsiassaqartitsivik / Nyhedsredaktionen
juunip 24-at 2022 13:07

Nuummi Kissarneqqortuunnguani KNR-ip illuutigisimasaani ikuallattoqartoq, politiit ippassaq sisamanngornermi unnukkut aqqarnup missaani kalerrinneqarput.

Ikuallattoqarnerani inunnik ajoqusertoqanngitsoq, Nuummi politiit pigaartuata pisortaat Søren Bendtsen nassuiaavoq. Ikuallanneq qatserisartunit qatsilertorneqarsimammat siaruangaarsimanngilaq. Ikuallannerlu qanoq aallartissimanersoq, politiit maannamut oqaatigisinnaanngilaat.

KNR-ip 2014-ip tungaanut illuutigisimasaa Namminersorlutik Oqartussanit pigineqarpoq. KNR illu taanna 2014-imi juunimi illuutiginiunnaarlugu Issortarfimmiilerpoq.

KNR-ip illu taanna oqummat taamanili illuutigiunnaarmagu inueruppoq ingutseriaannanngorlunilu. Illulu taanna meeqqanit inuusuttunillu pinnguarfigineqakkajuttoq, politiit ilisimatitsipput.   

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq