KNR-ip erinarsoqatigiivi toqqarneqarput
Kalaallisut erinarsuutit eriagisat erinarsoqatigiit pilersinneqarnerannut siunertaavoq ersarissoq. Katillugit meeqqat 69-it niviarsissallu 23-t misilitsinnermut takkupput. Erinarsoqatigiinnut ilaasortanngortut sapaatip akunnerata tulliani sungiusarlutik aallartissapput. Erinarsoqatigiinni Qupannavaani tassalu nivissat 14-nit 20-inut ukiulinni erinarsoqatigiinnut misilitsittoq Arnatsiaq Amossen, misilitsikkami erinarsorpaa Drove me close aammal Qaqqat akornanni qooqqutigut taannalu iluatsimmat, Arnatsiaq Amossen KNRip erinarsoqatigiivini Qupannavaani ilaasortanngorpoq. Kalaallisut erinarsuutit eriagisat erinarsoqatigiit pilersinneqarnerannut siunertaavoq ersarissoq.
Katillugit meeqqat 69-it niviarsissallu 23-t misilitsinnermut takkupput.
Erinarsoqatigiinnut ilaasortanngortut sapaatip akunnerata tulliani sungiusarlutik aallartissapput. Erinarsoqatigiinni Qupannavaani tassalu nivissat 14-nit 20-inut ukiulinni erinarsoqatigiinnut misilitsittoq Arnatsiaq Amossen, misilitsikkami erinarsorpaa Drove me close aammal Qaqqat akornanni qooqqutigut taannalu iluatsimmat, Arnatsiaq Amossen KNRip erinarsoqatigiivini Qupannavaani ilaasortanngorpoq. "Nuannaaqaanga pissanganikuunermik nunamut tuallappunga eqqissiallallungalu", Arnatsiaq Amossen nuannaaqaluni taamatut oqarpoq.
KNR-ip erinarsoqatigiivini peqataasussat misilitsinneranni naliliisuupput toqqartuillutillu Mads Lumholt aamma operamik erinarsortartoq Ida Heinrich. Misilitsittut ilai ingerlaannaq toqqarneqarput, aamma ilaqarput misilitseqqittariaqartut, Ida Heinrich oqarpoq.
Meeqqat amerlasuut erinagipput tamannalu tulluusimaarnarpoq. Ilimagineqarsimanngikkaluarpoq KNR-ip erinarsoqatigiivinut Qupannavaanut Qupannavaajaqqanullu peqataaniarlutik misilitsinniartut taamak amerlatigissasut, tassalu katillutik 92 misilitsipput. Qupannavaat Qupannavaajaqqallu sapaatip akunnerata tullianit sungisarlutik aallartinneqassapput, aammattaaq ilaqarput sulli erinarsorsinnaanissaminnik misilitseqqittussat.
KNRip erinarsoqatigiivi Qupannavaat aamma Qupannavaaqqat, KNR radiumi TV-imilu immiunneqassapput, aammalu pisortatigut nalliuttunilu pisoqartillugu erinarsortassapput. Erinarsoqatigiit sungiusagassaat siulliit tassaapput juullisiutit.
