KNR-ip DR-imik TV-2-millu isumaqatigiissutaa nalilersoqqinneqassaaq

Danmarks Radio-p sipaarniuteqalerneratigut, siunissami KNR TV-ikkut aallakaatinneqartartussanut sunniuteqalersussaavoq. Timersornermi pisut annertuut siornatigut aallakaatinneqartut aallakaatinneqartarunnaarsinnaapput, KNR-illu pisortaata Lars-Lennert Sandgreen-ip DR-ip TV-2-illu suleqatigiinnissamik KNR-imik isumaqatigiissuteqarnerat nalilersoqqinneqarnissaa erseqqissarpaa. KNR-ip tungaanniit kalaallit TV-ikkut aallakaatitassiaanik DR-imi aallakaatinneqarsinnaasunik qanoq iliuuseqartoqarsinnaanersoq KNR-ip pisortaanut Lars Lennert Sandgreen-imut apeqqutigaarput.

Danmarks Radio-mi aallakaatinneqarsinnaasunik KNR suliaqassagaluarpat annikitsuinnarnik sanasarpugut, soorunami tamakkua sanaarisartakkagut ataasikkaat soqutigisarpai Danmarks Radiop immaqa soorlu assersuutigalugu imaassinnaavoq siunissami ”Avannata Qimussersua” takorusussinnaagaat tamakkua timersuutit, kultur-imut tunngassuteqartorujuit Lars Lennert Sandgreen oqarpoq. Soqutiginnittarput, qajartornermilluunniit unamminerit assigiinngitsut saqqumilaartittarumaarpugut, immaqa aamma isumaqatigiissutitsinnut ikkussinnaasagut, Lars Lennert Sandgreen KNR-ip pisortaa oqarpoq.