KNR-ip arsallammak toqqassavaa

Arsaannermi ileqqoq nuannersoq ingerlaqqittussanngorpoq. Arsallammammik toqqaasoqassaaq ukiormannalu toqqaaneq KNR-imit isumagineqassaaq.
Allattoq Noah Mølgaard
aggustip 16-at 2011 13:32

Arsallammammik toqqaaneq siulleq pivoq 1989-imi taamanikkut inuusuttunnguaq Jens Ole Geisler NÛK-meersoq toqqarneqarmat. Ukiullu 22-it kingulliit toqqaaneq AG-mit ingerlanneqartarsimavoq.

Maanna arsallammammik toqqaasarneq KNR-imit isumagineqartussanngorpoq klubbit peqataasut aamma Arsaattartut kattuffiat GBU suleqatigalugit. Toqqaaneq pissaaq arfininngorpat unnukkut Sisimiut timersortarfianni naggataarnersiortoqalerpat. Unnuk taanna dommerit akiuutillammamik aamma arsalerillaqqinnerpaamik toqqaassapput.

Arsallammammik toqqaaneq taasinikkut pissaaq. Klubbit peqataasut tamarmik ataatsimik taasisinnaapput namminnerlu arsartutik toqqarsinnaanagit. Taasinerit kisinneqassapput dommerit nakkutilliisoralugit toqqarneqartullu pokaalissaa unnukkut naggataarnersiornermi tunniunneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq