KNR-imiit tusarnaagassiaq finalemut annguppoq
Kalaallit Nunaata Radioata radiokkut allakaatitassiornermut immikkoortortaani tusagassiortup Else Olsvigip, nunani avannarlerni radiokkut tusarnaagassiortarnermut ilinniaqqinnerminut atatillugu soraarummeerutit tusarnaagassiaa ”Nunaqarfimmiut” minutsinik 40-nik sivisussuseqartoq, nunat tamalaat ukiut aqqalinissaannik radiokkut Festivaleqarnissaanni, aallakaatitassiat nunani tamalaaneersut unammisinneqarnerannik aallaveqartumi ajugaasussatut toqqanneqartussat ilaattut toqqagaavoq. 11th International radio festival tamatumuuna kanginiani qiterlermi naalagaaffiit ilaanni Iranimi maajip qaammataani ingerlanneqassaaq, tassungalu peqataanissamut aallakaatitassiamik suliarinnittua Else Olsvig qaaqqusaavoq.
Else Olsvip radiokkut tusarnaagassiortarnermut ilinniaqqinnermini piviusunik tunngaveqartumik tusarnaagassiaa ” Nunaqarfimmiut” nunaqarfimmi Niaqornaarsummi siorna suliarineqarpoq, tusarnaagassiap imaaraa kinguaariit nunaqarfimmi inuunermik ingerlatsinerat naak inuuniarnermi pissutsit allanngoriariartoraluartut.
”Nunaqarfimmiut ”tusarnaarneqarsinnaavoq KNR-p nittartagaani uunga iserluni:
