KNR-imi qamittoortarnermut sillimaniarneq pitsanngorsarneqarpoq
Kalaallit Nunaata Radioa ukiaanerani koruuninik millioonip affai sinnerlugit sillimmatitut sarfaliuummut atorneqartussanik aningaasaliiffigineqarpoq.
KNR-ip pisortaanera, Lars Lennert Sandgreen, tamatumunnga ima oqarpoq:
- Nuummi kingullermik ukiarmi sarfaaruttoqarmat paasivarput sillimmatitut sarfaliuut sakkukippallaartoq, tassa KNR-imi teknikkikkut atortut aallarteqqinnissaat ajornakusoortarluni. Kulturimut naalakkersuisoqarfik, KIIN, ilisimatipparput nutaarsiassanik Kalaallit Nunaat tamakkerlugu KNR pilersuisussaasoq, pinngitsoorneqarsinnaanngitsorlu.
Sillimmatitut sarfaliuutissaq nutaaq decembarip qiteqqunnerani ikkussuuneqassaaq, ajornartorsiutillu taamaalilluta qaangersimalernissaat upperaarput, KNR-imi pisortaaneq, Lars Lennert Sandgreen oqarpoq.
