KNR-imi "Oqalliffik" aallarteqqissooq
- Soorunami pisut soqutiginartut pillugit KNR radio-mi tv-milu aallakaatitsisassaagut. Suliariasartakkatsinni "KNR-imi Oqalliffik"-mi misilittagarissaarpugut, taamaattumillu ingerlateqqinniarlugu aalajangerpugut, nutaarsiassaqartitsivimmi pisortaq Mikkel Bjarnø Lund oqarpoq.
Oqallinneq kalaallisut qallunaatullu ingerlanneqartassaaq. Siullermik akunnerup affaani kalaallisut, taava qallunaatut akunnerup affaani. Marlunngornikkut ullaap tungaa quliniit aqqarngup tungaanut radiokut aallakaatinneqarnerani tv-mut immiuteriarlugu unnukkuani tv-kut aallakaatinneqartassaaq.
- Oqallititsisarneq aningaasarpassuit atornagit suliarineqartassaaq, nukiit imarisassaanut atorluarneqartassammata naammassisamuunngitsoq. Oqallititsinerni pisut soqutiginartut sammineqaraangasa uteriisertumik isornartorsiuisumillu ingerlanneqartassapput. Qilanaarpugut tusagassiortutta pikkorissut taamatut sulisittarnissaannut, nutaarsiassaqartitsivimmi pisortaq oqarpoq.