KNR-imi nutarteripput

KNR-mi aallakaatitsisarneq nutaaq ataasinngornermiit atuutilissaaq. Tusarnaartartuususi ullaakkut ualilluarneranilu nutaarsiassanik aallaaveqartunik aallaakatitsivigineqartalissaasi. Iterluarnaaq ualineranilu aallakaatinneqartartoq, Nunarput Ullumi nutaamik aaqqissuussaallutik aallakaatinneqartalernissaat pillugu Iterluarnaap Nunarput Ullumi-llu aaqqissuisua Najaaraq Egede ima nassuiaateqarpoq:

-Nutaarsiassaqartitsivik Iterluarnaarlu ataasinngornermiit suleqatigiilissapput. Nunaataarsiassaqartitsinermut samminerusunik aallakaatitsisalissaagut.

Najaaraq Egede oqarpoq aallakaatitsisarnikkut taama nutaaliorniarneq ukiuni arlaqalersuni anguniagaasimasoq.

- Tassa assersuutigisinnaavarput, nutaarsiassaq aalajangersimasoq ullaakkut tusarliussaq ualikkut Nunarput Ullumimi imaluunniit unnukkut Qanorooq-mi allanngortinnagu soorlu tusaqqissinnaasarparput. Taamali ingerlasoqarunnaassaaq, tassa nutaarsiassaq ullaakkut tusarliussaq Iterluarnaami Nunarput Ullumimilu allatut sammineqartassaaq, unnukkkullu Qanorooq-mi immaqa naggaserneqartalissalluni.

KNR Avannaa aamma Kujataata Radioa nutaarsiassaaqartivimmi suleqataalernermikkut "Iterluarnaaq"-mi aamma "Nunarput Ullumi"-mi suleqataalissapput, ulluinnarni immikkut aallakaatitsissaarlutik.