KNR-imi nutaarsiassaqartitsivimmi pisortaq tunuarpoq

Johannes Mathiassen partiip Siumup allattaatut sulisimavoq, isumaqaraluarlunilu allatsitut sulinerminit aningaasanik pissaqartinneqarluni, tapisiat qaangiuttoornernilu aningaasarsiassat eqqarsaatigalugit. Nuummili eqqartuussivimmut suliassiissutigisamini ullaap tungaa ajorsarpoq, eqqartuussivimmit aalajangerneqarmat Johannes Mathiassen partiimut Siumumut 38.000 koruuninik akiliissasoq

Johannes Mathiassenip tunuarniuteqarnera Ivalo Egedep ajuusaarutigaa, atorfeqarnerminimi nutaarsiassaqartitsivimmik piorsaalluarsimammat, aammalu Radioaviisi Qanoroorlu ataqatigiinnerusumik suleriaaseqalersissimammagit. Taamaakkaluartoq tunuarniut pisortaanerup tusaatissatut tiguaa.

Nutaarsiassaqartitsivimmi pisortamik nutaamik atorfinitsitsisoqarnissaata tungaanut Ivalo Egede nutaarsiassaqartitsivimmi pisortaagallassaaq.