KNR-imi nutaarsiassaqartitsivimmi pisortanngorallartut
- Jukku Mikkelilu nutaarsiassaqartitsinermi pisortap piukkunnartup pissarsiarinissaata tungaanut suliassanik isumaginnissinnaanerannut assorsuaq tatigaakka. Tamatumunnga peqatigitillugu aamma uanga KNR-imut tamarmut pisortatut suliassama 100 procentimik eqqarsaatiginissaat pisariaqartippara, Ivalo Egede oqarpoq nangillunilu:
- Nutaarsiassaqartitsinermut pisortap piukkunnartup atorfinitsinnissaa pingaartuuvoq. Atorfik taanna pingaaruteqarpoq, uatsinnuinnaanngitsoq, aammali Kalaallit Nunaannut tamarmut, taamaattumik nukinginngilagut, inulli piukkunnartoq taanna sivisunngitsumik utaqqissallugu neriuutigaarput. Taama pisoqalersinnagu qularutiginngilara tamanna pitsaanerpaamik aaqqiissutaasoq, Ivalo Egede oqarpoq.
Atorfimmik inuttassarsiuineq KNR-ip nutaarsiassaqartitsinermut pisortamik inuttassarsiugaa knr.gl-imi takuneqarsinnaavoq.