KNR-imi Arfininngornermi 15. december nal. 16-17 nalorsitsaarineq
Kalaallit Nunaata oqaluttuarisaanera nutaajunerusoq pillugu apeqqutinik nalorsitsaarineq tusarnaarsinnaavat. Arfininngornermi nalorsitsaarinermi peqataasut assigiissutigaat tamarmik atuakkiortuugamik kalaallit nuimasut. Agga Lund, Karo Heilmann Stotts, Abia Abelsen, Aqqaluk Lynge, Karl Elias Olsen aamma Tupaarnaq Rosing Olsen arfinngornermi ualikkut nalorsitsaarneqassapput.
Allattoq Peter Troelsen, Simon Uldum
Aqutsisuussaaq Peter Steffani, aliikkutaralugu isiginnaartitsisoqartoqatigiinni NAIP-mi quiasaarisartutut ilisarisimaneqarnerusoq. Naliliisuussaaq taalliortoq Marianne Petersen, Nunat avannaamioqatigiit atuakkiortunut Nersornaasiuttagaannut piukkunneqartoq, nalorsitsaarinermilu atuaasuussaaq Nathan Biilmann. Aallakaatitassiamik aaqqissuisuuvoq Peter Rosbach Lynge.
Aallakaatitassiaq KNR radiomi nal. 16.00 -17.00 tusarnaarneqarsinnaavoq.