KNR-imi aqutsisut suli tatigineqarsinnaanerlutik
Anguniagaqarnissamut isumaqatigiissut
. Paragraf 36 naapertorlugu Lene Knuppelip apeqquteqaammini, KNR-ip isumaqatigiissummik atorunnaarsitsinera akisussaassuseqanngitsumik iliuusaanerarlugu inatsisinnillu unioqqutitsinerunerarlugu naalakkersuisunut paasiniaavoq. KNR-ip anguniagaqarnissamik isumaqatigiissut, naalakkersuisuinut isumaqatigiissutigiissutaasoq, ataasinngormat atorunnaarsippaa, KNR TV-ip upernaaq manna digitalisererneqarnernerani aningaasartuutit annertunerunerujussui pissutigalugit isumaqatigiissutigineqartut naammassineqarsinnaannginerat nutaamilllu isumaqatiginninniartariaqalerneq pisariaqartinneqarmat.
Lene Knüppel isumaqarpoq, isumaqatigiissutigineqartup atorunnaarsinneqarnissaa periarfissaqanngitsoq. Qaammatit arfinillit sioqqullugit nalunaaruteqarnikkut isumaqatigiissutigineqartut iluanni allannguutissanik isumaqatigiissuteqartoqarsinnaavoq. KNR-ili Lene Knüppelip oqarnera malillugu, isumaqatigiissummik atorunnaarsinneqarsinnaanngitsumik taamaatitsivoq, taamaalilluni neriuutigineqarluni ukiortaartinnagu nutaamik isumaqatigiissusiortoqarsinnaanissaa, tamanna Lene Knüppelip atorsinnaannginnerarpaa, tassa isumaqatigiissutip atorunnaarsinneqarnera aatsaat oktoberip aallaqqaataani pimmat. Allannguutitullu kissaatigineqartut januaarip aallaqqaataani atuutilersinnaannginnerarlugit. Digitaliseeriinermut aningaasartuutaasussat KNRip naatsorsorsinnaasinnaasimanngimmagit, Demokraatit tupigusuutigaat, naalakkersuisunullu KNR-imi aqutsisut suli tatigineqarsinnaanersut apeqqutigalugu.
