KNR-imi aallakaatitsinerit unikkallartut
Kalaallit Nunaata Radioata illutaani innaallagissamik ullaaq nalunaaqutaq arfininngorluinnalersoq qamittoorneqarpoq, tamannalu aallakaatitsinerit unikkallarnerannik kinguneqarluni.
KNR-ip illutaa kisimi Nuummi ippassaani innaallagiaaruttoornermit eqqorneqarsimarpasinngilaq, aammali illut eqqaaniittut Inussivik allallu innaallagiaqarniarnermikkut ullaarli ajornartorsiuteqarput.
Qmittoorneqarnerata kingunerisaanik KNR-ip nammineq innaallagissiuutaa aallartinngitsoorpoq, aallakaatitsinerit unikkallarnerannik kinguneqartumik.
Maanna innaallagiaqaqqilereerpugut, KNR-illu aallakaatitsinera ingerlaqqilereerluni.
Allattoq Najaaraq Egede