KNR Haitimiunut aningaasanik katersuiniassaaq
Haitimi nunap sajunnerata kingorna inuppassuit ajunaarnersuarmit eqqugaasut ikiorneqarnissaat siunertaralugu KNR, Kalaallit Røde Korsiat suleqatigalugu, aningaasanik katersuiniartitsissaaq.
Allattoq Louise M. Kleemann
Haitimi ajunaarnersuaq KNR-TV-kkut aallakaatitami "Pulaarfimmi" sammineqassaaq, aamma aallakaatitami aningaasanik katersuiniartoqassaaq, tamannalu qaqugu pissanersoq KNR-ip nittartagaani piffissami qaninnermi nalunaarutigineqassaaq.
Aningaasat katersorneqartut nakorsaatinut ikiueqqaarnermullu atortunut atorneqassapput.
Haitimi nunap sajunnerata kingorna ajunaartut 40.000-50.000-illu akornanniissangatinneqarpoq, inuillu 3 millionit tikillugit amerlassusillit ajunaarnersuarmit eqqugaasimassangatinneqarput.