KNR Avannaata Qimussersuanit aallakaatitsissaaq
KNR ukiormanna Avannaata Qimussersuaqarneranit toqqaannartumik aallakaatitsiniarpoq.
Allattoq Simon Uldum -
marsip 26-at 2014 09:42
Ukiumoortumik qimussimik sukkaniunnersuaq, Avannaata Qimussersua, Ilulissani arfininngorpat marsip 29-ani pisussaq, Arctic TV suleqatigalugu KNR-ikkut toqqaannartumik aallakaatinneqassaaq.
Avannaata Qimussersua nal. 12.00 aallartittussaavoq, taamaammat toqqaannartumik aallakaatitsineq nal. 11.45-mit nalunaaquttap-akunnerini marlunni, nal. 11.45-mit 13.45-mut pissaaq.
