Namminersorlutik Oqartussat ualeq manna taama KNR-imut nalunaaruteqarput.
Taamatut nalunaaruteqarneq pivoq KNR-ip ullaap tungaa nalunaarutigereeraalu sulisussaaleqineq pissutigalugu Qanorooq sapaatip akunneranut pingasoriaannarluni aallakaatinneqartalissasoq. Taama nalunaaruteqarpoq aallakaatitassiornermut pisortaq Frederik Lund.
KNR-ip atorfiit inuttaqanngitsut inuttassarsiornissaanut immikkut akuerineqarnissamut qinnuteqarnikuuvoq. Qinnuteqaallu sisamanngormat ataatsimiititaliami ataatsimiinnermi akuerineqarpoq. Taamaattorli sulilersussanut inissiigallarnermut aningaasartuutit KNR-ip nammineerluni aningaasartuutigissavai.
Qanoruup aaqqissuisoqarfia naammattumik inuttalerneqarnissaata tungaanut Qanorooq maannamuugallartoq sapaatip akunneranut pingasoriarluni ataasinngornikkut, pingasunngornikkut tallimanngornikkullu aallakaatinneqartassaaq.
Atorfiit inuttassarsiorneqartut piaarnerpaamik inuttassarsiorneqarumaartut Frederik Lund ilisimatitsivoq.