Parisimi savimmik saassussioq Tjetjeniamit kingoqqisuuvoq
Parisimi angut savimmik sakkulerluni saassussimmat inuk ataaseq toqutaavoq. Saassussisimasutut pasineqartoq Tjetjeniamiunit kingoqqisuuvoq.
Allattoq Ritzau
maajip 13-at 2018 19:19
Nutserisoq Jaaku Lyberth
Frankrigemi illoqarfiit pingaarnersaanni Parisimi arfininngonrnermi unnukkut angut savimmik sakkulerluni saassussimmat inuk ataaseq toqutaavoq, angut saassussisoq Ruslandip ilaanit Tjeteniaminngaaneersuuvoq 1997-imilu inunngorluni.
Arfininngornermi unnukkut angut savimmik sakkukilerluni saassussimmat angut 29-nik ukiulik toqutaavoq, saassussineq pivoq illorsuup operamik erinarsortarfiup Palais Ganierip eqqaani.
Angut saassussisoq politiimit aallaaneqarnermi kingorna toquvoq.
Islamisk Statikkunnit oqaatigineqarpoq, saassussisoq tassaasoq Islamisk Statikkunnik tapersersuisoq.
Angutip saassussisup toqutaasullu angajoqqaaavi franskit politiivinit aaneqarput, killisiorneqarnissaat siunertaralugu.
/ritzau/Reuters
