KNI A/S Sulisoqarnermut pisortartaarpoq
Malene Jensenip suliffigisimasai ilaatigut tassaapput Ilulissat kommuniat, Inatsisartut Siulittaasoqarfiat, Namminersornerullutik Oqartussat, kiisalu sulisoqarnermut siunnersortitut pisortatullu Namminersorlutik Oqartussani, KNI-mi (1990-2005) ukiunilu sisamani Tele Greenlandimi.
Malene Jensen ukiuni kingullerni marlussunni namminersorluni sulisoqarnermut siunnersortitut pikkorissaasartutullu suliffeqarfinnut assigiinngitsunut, soorlu Namminersorlutik Oqartussat pisortaqarfiinut, kommuninut, suliffeqarfissuarnut soorlu Tele Greenlandimut Royal Arctic Linemullu sullissisarsimavoq, suleqatigiit suleqatigiilluarnissaannut tunngasuni, pisortatut pikkorissartitsinerni, aaqqiagiinngittoqartillugu naapititseriaasarnerit pillugit pikkorissartitsisarsimalluni,Peter Grønvold Samuelsen taama allappoq.