KNI A/S siulersuisortaalerpoq. Decembarip ulluisa sisamaanni immikkut ittumik ataatsimeersuartoqarneratigut tamanna pissaaq.
KNI A/S-imik piginnittut – tassa Namminersornerullutik Oqartussat – ataatsimiigiaqqusisuupput, siulersuisullu taarserneqarnissaat sammisassani pingaarnersaalluni.
- Siulersuisunik nutaanik ikkussisoqassaaq. Kisitsisilerillaqqissunik siulersuisortaartariaqarpugut. Tassa suliffeqarfimmik aqutsillaqqissunik siulersuisortaartariaqarluta, naalakkersuisut siulittaasuat Hans Enoksen radioaviisimut oqarpoq.
KNI A/S-ip 2006-ip qaammataanut siullernut arfinilinnut naatsorsuutai 75 millioni koruuninik amigartooruteqarnerat tamatumunnga pissutaapput, KNI-p umiarsuaateqarfia Assartuivik amigartoorutinut aamma pissutaaqataavoq. Uummannami qaatsiartaatit ilimagisamit 6 millioni koruuningajannik aningaasartuutaanerusimammata.
Ataatsimeersuarnissaq sumi pissanersoq suli nalunarallarpoq, naalakkersuisulli siulittaasuat Hans Enoksen oqarpoq Nuummi Sisimiuniluunniit piumaartoq.
