KNI nutaanik siulersuisortaarpoq

Namminersornerullutik Oqartussanit pigineqartoq KNI malittarisassat naapertorlugit immikkut ittumik ualisoq pingasut qaangeraa ataatsimeersuartinneqarpoq, ataatsimeersuarnermilu ullormut oqaluuserisassani oqaluuserineqartoq ataasiuvoq tassalu siulersuisuni ilaasortat marluk allanik nutaanik taarserneqarput.

KNI-p siulersuisuini arfiniliusuni marluk tunuartut nutaanillu taarserneqartut tassaapput Rebecca Olsvig aamma Aviaaja Helms. Tunuartut taarserlugit ilaasortanngortut tassaapput Arctic Umiaq Linemik iluarsartuussisimasoq, Grønlands Ejendomsselskabemi pisortaq Vagn Andersen aamma Nuna Oil-mi allaffissornermut aqutsisoq Jan. H. Petersen.

KNI-p immikkut ataatsimeersuartinneqarnerani peqataapput Naalakkersuisut sinnerlugit Inuussutissarsiornermut Naalakkersuisoq Sivert K. Heilmann, KNI-p siulersuisuini siulittaasoq Simon Olsen, siulersuisuni ilaasortaq Aqqalukasik Kanuthsen, inatsisileritooq Wilhelm Malling, ataatsimeersuarnermi aqutsisussatut toqqarneqartoq.

Peqataapputtaaq KNI-p Naalagaaffimmit akuerisaasutut kukkunersiuisua Peter Whistoft, qitiusumillu allaffeqarfimmit aallartitat.