KNI NUSUKA-mut ilaasortaajunnaarpoq
Suliffeqarfissuup KNI-ip siunissami unammilligassat imaannaanngitsut pussutigalugit, aningaasaqarnikkut ingerlatsinerup sukaterneqarnissaa pisariaqarmat, suullu sipaarfigigaanni pissusissamisuussanersut misissorneqarmata KNI-imi siulersuisut aalajangerput NUSUKA-mi ilaasortaanerminit ingerlaannaq atuutilersumik tunuarluni. NUSUKA-mut ilaasortaanermut akiliutit sullinneqarnermut sanilliukkaanni pissarsiat annertugisassaanngillat, KNI-mi allaffissornermi pisortaq Søren Lennert Mortensen tusagassiutinut allagaqarnermi taamatut allappoq.
Suliffeqarfissuaq KNI ingerlaannaq atuutilersumik NUSUKA-miit ilaasortaajunnaaraluarluni, taamaattoq
aappaagu juunip tungaanut ilaasortaanermut akiliuteqartassaaq
NUSUKA-p nittartagaani takuneqarsinnaavoq, suliffeqarfiit 79 Kattuffimmi ilaasortaasut.