KNI kisermaassilluni immiaaqqanik tuniniaarusuppoq
KNI-p kisermaassilluni immiaaqqanik sodavandinillu tuniniaasinnaatitaanera inatsisinik unioqqutitsinerusoq Østre Landsret-imit aalajangerneqaqqammisoq, KNI-p Eqqartuussiviit qullersaannut suliassanngortippaa.
Allattoq Louise M. Kleemann
oktobarip 28-at 2008 08:38
KNI-p kisermaassilluni immiaaqqanik sodavandinillu tuniniaasinnaaneranik isumaqatigiissut KNI-mit Nuuk Imermillu atsiorneqarsimasoq, inatsisinik unioqqutitsinerusoq Østre Landsret-ip aalajangeqqammerpaa.
Aalajangiinermik eqqartuussiviit qullersannut suliassanngortitsineq pillugu KNI ima nassuiaavoq:
- Kalaallit Nunaanni pissutsit atuuttut aallaavigalugit kiffartuussinikkut isumaqatigiissuteqartarnikkut suliassanik agguartaariffiusarnera takornartanngilaq, taamaattumik KNI-p inatsisilerituua isumasioreerlugu aalajangerpugut Eqqartuussiviit Qullersaat qinnuiginiarlugu suliaq naliliiffigequllugu, Lars Behrend Pilersuisumi pisortaq oqarpoq.
