KNI A/S-imi siulersuisut nutaat

Toqqarneqartoq tassaavoq Bodil Nyboe Andersen aningaasaqarnermut aningaasarsiornermullu tunngassuteqartunik atorfeqarsimanini tamaat suliaqartarsimasoq. Bodil 1980-ikkunni Andelsbankenimi direktøriusimavoq 1990-imiilli 2005-imut Nationalbankenimi direktøriusimalluni. Københavns Universitetimi siulersuisuni siulittaasuusimavoq, Tryg og Sampensionimi siulersuisunut ilaasortaasimavoq Dansk Røde Korsimilu siulittaasuusimalluni. Massakkut ilaatigut Villumfondenimi siulersuisunut ilaasortaavoq. Bodilip Kalaallit Nunaanni ineriartorneq soqutiginneqaluni malinnaaffigiuarsimavaa. Ukiuni Nationalbankinimi direktøriunermi nalaanni Kalaallit Nunaat arlaleriarluni tikeraartarsimavaa, soorluttaaq Villum-fondenip kalaallit meerartaannut inuusuttaannullu aningaasatigut tapiissuteqarneranut atatillugu 2012-imi Ilulissanut Nuummullu tikeraarsimasoq.

Tulliullugu Julie Pars siulersuisunut ilaasortanngorpoq. Julie MBA-mi ilinniakkaminik naammassinnissimavoq aammalu ulluinnarni Katuami pisortaavoq ilutigalugulu Air Greenland A/S-ip siulersuisuinut ilaasortaalluni. Julie pisortatut annertuumik piginnaasaqarpoq siulersuisunilu sulinermi tapertaalluassalluni.

Tamatuma saniatigut Annette K. Sadolin toqqarneqarpoq, Cand. Jur. –iuvoq aamma General Elektric –mi sulisimavoq nunani allani aningaasaqarnermut tunngasunik kiffartuussinerup iluani. Annette ilaatigut Assartuussinermi ingerlatsivimmi DSV A/S-ip siulersuisuinut ilaasortaasimavoq, DSB, TopDanmarkimi A/S aamma Ratos AB, Stockholm. Annette annertuumik periusissiat iluanni piginnaasaqarpoq, aaqqissussaanermi, nalorninartunik aqutsinerit aammalu inatsisilerinermut tunngasunik.

Gunnar G. Gudmonssen siulersuisuni sulinermi saniatigut suliassaqarpallaarnini pissutigalugu nammineq kissaateqarnini malillugu siulersuisunit tunuarpoq. Tassunga taarsiullugu Høgni Hansen toqqarneqarpoq. Høgni Savalimmiuneersuuvoq ulluinnarnilu atortussanik niuernermik annertuumik misilittagaqarluni Savalimmiunilu toqoraavinnit nioqqutissianik, savaaqqanit nioqqutissianik neqinillu aggukkanik niuertunut nioqquteqartartut annersaasa ilagisimallugu. Høgni Savalimmiuni sulisitsisut peqatigiiffianni 2011-imili siulittaasup tullerisimavaa.

Tamatuma kingorna siulersuisut makkuninnga inuttaqalerput:

• Niels Thomsen (siulittaasoq)
• Høgni Hansen
• Jens Kristian Therkelsen
• Julia Pars
• Annette K. Sadolin
• Bodil Nyboe Andersen
• Jonas Aronsen (sulisut toqqagaat)
• Inger Eriksen (sulisut toqqagaat)
• H.P. Lynge-Larsen (sulisut toqqagaat)