Ukioq 2006-imi amigaartorutit pissutigalugit KNI aningaaserivinnut atorniarnianngilaq, siulersuisuni siulittaasoq Simon Olsen oqarpoq.
KNI-p pigisai, Assartuivik A/S kalaaliminernillu tunisassiorfik, Arctic Green Foodi tuniniarneqarput.
KNI-p siulersuisuini siulitaasoq, Simon Olsen, oqarpoq, Arctic Green Foodimik pisiniarlutik soqutiginnittut arlallit saaffiginnittarsimasut, Arctic Green Food KNI-p amigartoorneranut pisooqataanerpaavoq. Simon Olsen isumaqarpoq, amigartoorutit pisisussap akisussaaffigissagai.
KNI-p suliffeqarfiutai Assartuivik A/S aamma Arctic Green Food tunineqareerpata, KNI-mi aningaasatigut inissisimaneq aatsaat qularnaarlugu paasineqassaaq.
KNI-p siulersuisui ippassaq ullumilu ataatsimiipput.