KNI aamma Namminersorlutik Oqartussat isumaqatigiissusiorput

Isumaqatigiissut nutaaq 2016-ip tungaanut atuuttussaq nuna tamakkerlugu nioqqutissanik pilersuinermi qulakkeerinnissaaq. Isumaqatigiissut aamma periarfissiivoq atuisut sunniuteqaqataanissaanut. Maannamut periuseq malillugu sullissinerup pitsaassusaa inoqarfiit inuttussusaat najoqqutaralugu pitsaassuseqassaaq.

Pisiniarfinni tamani tunngaviusumik nioqqutissat pigineqartartussat aalajangersorneqarput niuertarfinnilu siunnersuisoqatigiit aalajangeeqataaffigisassavaat marmelade jordbæritalik imaluunniit appelsinatalik pigineqassanersoq. Taamaasillu qulakkeerniarneqarpoq atuisut piumasaasa naammassiniarnissaat.

- Sullissinissamik isumaqatigiissut aqqutigalugu aningaasatigut killissaritaasut atorlugit sullissinissap pitsaanerpaaffigisinnaasaa anguarput. Isumaqatigiissut aqqutigalugu eqaannerusumik periaaseqartoqarsinnaanissaa pisiniarfinnilu siunnersuisoqatigiiliortitertoqarnissaa isumannaarparput, Ineqarnermut, Attageqarnermut Angallannermullu Naalakkersuisusoq, Jens B. Frederiksen oqarpoq.

Nittartakkakkut KNIp niuerniartarfittaava pisisa.gl iluaqutaassagatinneqarpoq niuertarfiit nioqqutissaataasa nutartertuarnerannut. Inuttaasut toqqagassaqarnerussapput. Tassani innuttaasut pisiniarfiup illoqarfigisamiiittup nioqqutissaatai kisiisa isumalluutiginagit allanik toqqagassaqalerput. Taamaattoq nittartakkakkut niuerneq Namminersorlutik Oqartussanit tapiiffigineqanngilaq.

- Assersuutigalugu KNI A/S-ip qarasaasiakkut pisiniarfittaava nutaaq – pisisa.gl – atorlugu innuttaasut periarfissagissaarnerujussuanngorput nioqqutissat pisariaqatitarpiatik inniminniissallugit, Jens B. Frederiksen oqarpoq.

Aajuku pisiniarfiit Naalakkersuisut aamma KNI A/S-ip isumaqatigiissutaanni ilaatinneqartut: