KNI 44 millioni koruuninik sinneqartoorpoq
Tamatumunnga pissutaavoq suliffeqarfiit "Arctic Green Food"-ip "Assartuiffiullu" KNI-mit pigineqarunnaarnerat, niivernikkullu ingerlatsiviup aallunneqarnerulersimanera.
2006-imi amingaartoorutit 250 millioni koruuniusut nanertuutaajunnaarallarnikuupput KNI atorniartariaqarnikuummat.
- Miserratigineqarsinnaanngilaq, taakkua qaangiupput nanertuutaajunnaarlutillu, tassanilu pitsanngoriartitsinissamut aqqusineq pitsaanerusoq ammarpoq, KNI-p siulersuiusuini siulittaasoq Simon Olsen oqarpoq.
- Naak sinneqartooraluarluta akiitsut aamma akilersorneqartussaanerat miserratigineqarsinnaanngilaq. Ilaatigut akiitsorneq aqqutigalugu ilaatigullu pigisanik tunisinikkut akiliisarsimavugut, taakkulu massakkut qangiulluinnalerput, Simon Olsen oqarpoq.
Suliffeqarfik KNI 1000-it missaannik amerlatigisunik sulisoqarpoq ukiumullu to milliartit angullugit kaaviaartittarlugit.
