KNAPK: Tuttutassat ikilisinneqarnerat isumatusaarneruvoq
Aalisarnermut Piniarnermut Nunalerinermullu Naalakkersuisoqarfiup nalunaarutigaa, aqutsiveqarfimmi Nuummi sunngiffimmi pinialuttartartut 1053-it ukiormanna tuttunniarnissamut akuersissummik tunineqarsimasut.
Aqutsiveqarfinni Akia Maniitsumi aamma Ameralimmi tuttut ikilisimapput taamaattumik sunngiffimi pinialuttartut pisassaat killilersorneqarnissaanik maanna tusarniaasoqarpoq.
Aamma atuaruk sunngiffimmi-piniarnermut-allagartaq-maajip-aallaqqaataa-nallertinnagu
- KNAPK-imi ilaasortanit paasiuminaatsinneqarpoq sooq sunngiffimmi pinialuttartut taama amerlatigisunik tuttussaqassanersut soorunami ikinnerusinnaapput amerlanerusinnaallutillu, kisianni pisariaqanngilaq sunngiffimmi pinialuttartut qulinit amerlanerusunik tuttutassinneqarnissaat.
KNAPK-mi siunnersorti Bjarne Ababse Lyberth taama oqarpoq.
Inuussutissartigalugu piniartut tuttunniarnissamut umimmanniarnissamullu malittarisassat allannguuteqarnissaannut eqqugaassanngillat.
KNAPK-imi ilaasortanut iluaqutaasinnaasumik tunngavilersuuteqartoqarpoq, tassami sunngiffimmi pinialuttuartartut nakkutigineqarput.
Aamma atuaruk IA: Namminersortut kalaaliaraq ingerlassinnaavaat
Sunngiffimmi pinialuttartut tuttutaminnik tuniniaasarnerat inuussutissarsitigalugu piniartunut unammillernerusoq KNAPK isumaqarpoq.
Aamma atuaruk - Nuummi KNAPK-mi ilaasortanit ilisimaneqarpoq nalunnginneqarlunilu sunngiffimmi pinialuttartut tuttut neqaannik tuniniaasartut taamaalillutik KNAPK-mi ilaasortanut inuussutissarsiutigalugu piniartunut toqqaannartumik unammillertarlutik, Bjarne Ababse Lyberth oqarpoq.
Sunngiffimi pinialuttuartut tuttutassaannik killilersuineq tuttut ikiliartorsorineqarnerannik tunngavilersuutigineqarpoq. Tuttut kisinneqarnerat kingulleq pivoq 2010-mi
Taamaattumik KNAPK isumaqarpoq tuttut amerlassusiannik nutaamik kisitsineq pisariaqartoq.
- Tuttut neqaat inuiaqatigiinnut pingaaruteqartut tuttut amerlassusiannik kisitsisoqannginnera eqqumiippoq, KNAPK-mi siunnersorti Bjarne Ababse Lyberth taama oqarpoq.
Tuttut umimmaallu piniarneqartarnerisa amerlassusiannik aqutsiveqarfinnilu aalajangersimasuni piniarneqartarnisaannut 2016-mut aamma 2017-mut tusarniaaneq juunip ulluisa 18-annut killeqarpoq.
