KNAPK: Saarullittassiissutit amerlanerusariaqaraluarput

Sinerissap avataani saarullinniartoqannginnissaq Pinngortitalerimmit innersuussutigineqarpoq, sinerissalli qanittuani saarulliit 8000 tonsit aalisarneqarnissaat innersuussutigineqarluni. Saarullittassiissutigineqartussatut innersuussutigineqartut KNAPK-ip ilimagisaanit ikinnerupput.
Allattoq Jaaku Lyberth
juunip 14-at 2012 14:22

KNAPK-mit ilimagineqarsimagaluarpoq, saarullittassiissutigineqartut 15.000-unissaat, Petrus Biilmann oqarpoq.

Nunatta imartaani aalisagartassatut pinngortitaleriffimmit innersuussutigineqartut, Aalisartut Piniartullu Kattuffiata KNAPK-ip pisortaanit  Petrus Biilmann-imit naammaginartinneqarput.

Siornamut sanillilugit ikinnerugaluartut ukiut siuliinut innersuussutigineqartunut assingupput.  
Allannguutitut taasinnaasai tassaapput sinerissap qanittuani saarullittassiisutigineqartut

Aalisartut biologillu oqarnerat malillugu saarullippasuaqarpoq.

Aalisartut aamma biologit pisuussutinik misissuinerminni maluginiarpaat imartatsinni suna tamarmi saarullinnik aalaaluttoq, Petrus Biilmann oqarpoq.

- Taamaattumik aalisartut namminneerlutik takusaat aamma biologit oqaatigissaat malillugit saarullippassuaqarpoq, KNAPK-ip direktøria oqarpoq.

Saarullittassiissutigineqartussatut innersuussutigineqartut saniatigut aalisakkanik allanik aalisagartassiissutigineqartut KNAPK-imit naammagisimaarneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq