KNAPK: Nammineq iliuuseqaqqaalaaritsi
”Puisit amiinit pisunit EU-mut eqqusseqqusiunnaarnissaq pitinnagu nammineq iliuuseqaqqaalaaritsi.” EU-mi inatsisartut kommissærillu puisit amiisa EU-mut eqquteqqusaajunnaarnissaannik ippassaq aalajangiinerat pillugu KNAPK taama qisuariaateqarpoq.
Allattoq Mads Lynge
juulip 24-at 2008 07:12
- Allaffimminni EU-mi issiapput, sunalu tamaat ilisimanerarlugu. Kukkukuuaqqali puulukillu pillugit iliuuserisartakkatik qiviaqqaannguarnagit puisinniartarnerit isornartorsiorpaat. Ukiuni hunnorujulikkaani uagut piniartuuvugut. Neqitortarpugut uumaniarluta, piniartut pikkorissuupput, puisillu iluamik toqunneqartarlutik, KNAPK-p pisortaata John Billmannip aviisimut Jyllandspostenimut oqaaseqarnera taama issuarneqarpoq.
Uumasut pitsaanerusumik pineqartalernissaat anguniarneqarpoq, puisillu pissusissamisoornerusumik toqunneqarlutillu ameerneqartalernissaat EU-mit anguniarneqarluni.
