KNAPK: Naalakkersuisoq iliuuseqartariaqalerpoq

Uummannap sulluani inuit aalisakkerinermik suliallit 400 missaanniittut aningaasarsiorfeqaleqqissanerlutik nalornillutik utaqqipput. Qaleralittassat nungoreerput, aamma Great Greenland oktobarip aallaqqaataata tungaanut puisit amiinik tigooraajunnaarallarpoq.

Kalaallit Nunaanni Aalisartut Piniartullu Kattuffiata KNAPK-p ilungersunartorsiorneq iliuuseqarfigeqqullugu 2.000 tonsinik qaleralittasseeqqeqqusivoq. Aalisarnermut naalakkersuisoq Ane Hansen aamma allakkat akisariaqalerai isumaqarluni.

KNAPK-mi siulittaasup tullia Isak Vahl ima oqarpoq:

- Allagaqareernikuuvugut qalerallittassat eqqarsaatigalugit suli akineqanngitsumik. Tusagassiuutitigut akissutaat tusaatissatut tiguarput, ksianni tassa pisassat siornarnisat sinneruttui isumalluutigilaarsinnaasut ilaneqassasut siunnersutiginikuuarput, oqarpoq, nangillunilu.

- Puisit amiinut tunngatillugu aamma aningaasaliissutit ikippallaarnerat uparuareernikuuarput, kisianni annerusumik akissuteqarfigineqarnikuunata, Isak Vahl nassuiaavoq.

KNAPK-p saaffiginnissutigisartakkamik pimoorullugit akiniarneqartannginnerat mamiagaat.

- Kipiluttunartuupput. Inuiaqatigiinni aalajangiisartuusut eqqarsaqqittariaqarput. Aamma sullitatik qanimut suleqatiginerusariaqarpaat. Nuna tamakkerlugu Kattuffiit, soorlu KNAPK tusaaniarneqarneq ajorneri kipiluttunartuupput, naggasiivoq.

KNAPK aamma Qasuitsup kommunia ernumapput Uummannap eqqaani aalisakkerinermik suliallit pisasseqqinneqanngikkunik akiligassaminnik akiliisinnaajunnaarsinnaammata.

Aalisarnermut naalakkersuisoq oqaaseqartinniaraluaratsigu ullaap tungaa ataatsimiimmat iluatsinngilarput.