KNAPK-imi ilaasortat Royal Greenland-imit taarsiiffigineqarnissamik piumasaqarput

Nunaqarfinni Royal Greenlandip aalisakkanut tunitsivinnik ingerlassiveqarfiini aalisakkeriviit qaammatit pingasut sinnerlugit matoqqapput tamannalu aalisartunut pilersugaannullu isertitaqarniarnikkut imaannaanngitsumik kinguneqarpoq.
Allattoq Jaaku Lyberth
maajip 12-at 2009 06:33

Tamanna pillugu aalisartut piniartullu kattuffiat KNAPK aalisartut eqqugaasut taarsiiffigineqarnissaannik piumasaqarpoq. KNAPK-p siulittaasua Leif Fontaine ima oqarpoq: Niaqornaarsummi KNAPK-imi ilaasortat kattuffimmut piumasaqarput, ilaasortani sinnerlugit taarsiiffigineqarnissamik suliniuteqassasoq, Leif Fontain oqarpoq, taarsiiffigitinnissamik suliaq aallartittoq Leif Fontain-ip oqaatigaa.Immikkoortoortarfiit KNAPK-mit saaffigineqassapput 2008-ip ukiup affaata siulliup ingerlanerani aalisarnikkut aningaasatigut isertitat nalunaarutigeqqullugit, tassuunatigut kisitsit pissarsiarineqartut atorlugit sanilliulugillu taarsiiffitinnissamut suliassaq toqqammaveqassammat, Leif Fontaine oqarpoq.

KNAPK-p siulittaasua Leif Fontaine aamma oqarpoq taarsiiffigeqqulluni suliami KNAPK Inatsisilerituumik suleqateqartoq aammalu Inuit Issittormiut Siunnersuisoqatigiivinik suleqateqarnissartik siunniukkitsik

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq