KNAPK: EU inuit pisinnaatitaaffiinik unioqqutitsivoq

Europaparlamentip puisinit tunisassianik EU-mut eqqusseqqusiunnaarnerata Kalaallit Nunaanni piniartut inuuniarnikkut sakkortoorujussuarmik eqqorpaat KNAPKp siulittaasua Leif Fontaine tusagassiuutinut allagarluni taamatut allappoq. Maannakkut piniartut puisit amiinik tuniseqqusaanngillat Kalaallit Nunaanni Ammeriviup Great Greenland-ip amminik tigooraaneq uninngatimmagu tassanilu EU-p nunarsuarmi puisit amiinik niivernerup 1980-kutulli innarliinera pissutaalluinnarpoq KNAPKip siulittaasua Leif Fontaine allappoq nangillunilu, -ullumikkut Qaqortumi Ammerivik akiliisiinnaajunnaaqqajaasoq piginnittut KNAPK-mut oqaatigaat ingerlaqqissappallu maannakkorpiaq aningaasat 8 mill.kr. pisariaqartinneqartut oqaatigineqarpoq. KNAPK isumaqarpoq Inuttut Pisinnaatitaaffiit unioqqutinneqartut aammalu Nunarsuarmi niivernermut nunat tamalaat kattuffiata WTO- p maleruagassatut siunnerfii unioqqutinneqartut. Taamaattumillu KNAPK isumaqarpoq nunatsinni naalakkersuinermik suliaqartut pisortallu EU-mut saaffiginnissuteqartariaqartut EU-p piniartunut aningaasanik taarsiissuteqarnissaa piumasaralugu,KNAPK tusagassiuutinut allagaqarluni taamatut allappoq.