KNAPK Aleqa Hammondimut illuatungilersorput
Siornatigut naalakkersuisuusimasoq Aleqa Hammond KNAPK-p siulittaasuanit Leif Fontaine-imit saaffigineqarpoq, Aleqa Hammondip marlunngormat oqaasii Leif Fontaine-imit illuatungilerneqarput, Aleqa Hammondip meerujunneratut taaneqarlutik:
- Aleqaalluni suna tamarmi ajunngitsuararsuussaaq - qaammatit tamaasa Aleqap aningaasarsiassai inuiaqatigiit tunniuttarpaat taamaattumik Aleqa eqqasuutissaqanngilaq. Aleqalli paasisimasariaqaraluarpaa ullutsinni aalisartut piniartullu atugaat imaannaanngitsuummata, pingaartumik nunaqarfimmiut atugaat eqqarsaatigalugit, Leif Fontaine tusagassiuutinut allappoq.
Aalisartut Niaqornaarsummeersut taarsiivigineqarnissartik siunertaralugu KNAPK-mut saaffiginnissuteqarput:
- Aalisartut akiluttorfigineqartorujussuupput, pisortallu piinit assorujussuaq atugarliortinneqarlutillu naqisimaneqartorujussuartullu taaneqarsinnaasumik pissusilersorfigineqarlutik, pisortallu piisa naqisimanninnerannut Royal Greenland A/S-ip inuinnaat kattuffiannut peqatigiiffeqarnerannullu unammillernera assersuutissaannaavoq, Leif Fontaine ilaatigut allappoq.