KNAPK: aalisartut assigiinngiiaartunik aalisalissaput
- Uagut allisaarujussuarnissaq kisaatiginngilarput. KNAPK-p anguniarpaa, sinerissamut qanittumi aalisarnerup avataasiorlutillu aalisarnerup immikkoortinneqarnera immikkuussasoq, KNAPK-mi siunnersorti, Sigvardt Amondsen ima oqarpoq.
Aalisarneq pillugu ataatsimiititaliarsuaq isumaqarpoq, aalisartut ikilinerisigut aalisarunnaartut aatsitassarsiornermi sulilissasut. Kisianni aamma tamanna KNAPK-mit isumaqatigineqanngilaq.
- Aatsitassarsiorneq ullumikkut soorunami sulinermik kinguneqalaartarput, kisianni annerusumik iluaqutaaneq ajorpoq, Maarmorilik iluaqutaasimasoq massakkullu Seqinnersuusaaq ingerlasoq eqqaassanngikkaanni. Taamaattumik aalisarneq, tamatta inuussutigisarput, pingaarnerpaajuaannassaaq, sinerissamut qanittumi aalisartut kattuffianeersoq oqarpoq.
Taassumali nassuerutigaa, pisassat killeqarmata takorloorneqarsinnaasorlu suli ikiliartussasut.
- Taamaattumik KNAPK siunnersuuteqarpoq, Canadamisut Norgemisullu assigiinngiiaartunik aalisalersinnanissamik. Soorlu raajarniat 79-eritut ittut minnerilluunniit allanik aalisalersinnaasut. Assersuutigalugu saarulleqarluartillugu saarullinnik allanilluuniik, KNAPK-mi siunnersorti, Sigvardt Amondsen, oqarpoq.
