KNAPK aalisarnermik nutaamik aaqqissuuserusuppoq
ESU-mik aaqqissuussineq piaarnerpaamik qimanneqarli, aalisarnermillu ingerlatseqatigiiffimmik nutaamik pilersitsisoqarli, taama Kalaallit Nunaani Aalisartut Piniartullu Kattuffiata siulittaasua Lief Fontaine tusagassiorfinnut nalunaaruteqarami allappoq.
Leif Fontainep sinerissami qanittumi aalisariutit ikilisarneqartariaqarnerarpai, ilaalu nukittorsarlugit.
Alisartut qaarmarsaaffigineqartariaqarsorai, ilinniartitaaneq ilisimatusarneq ineriartortitsinerlu nukittorsartariaqarnerarlugittaaq.
KNAPK-p siulittaasua isumaqarpoq raajanut akitsuut peerlugu, tunisinerit tamaasa procentimik aalajangersimasumik ingerlatseqatigiiffimmut akiliisoqartalertariaqartoq, akiliisariaqartullu tassaasut sinerissap qanittuani avataanilu aalisariutit.
Tunisassiorfiillu tamarmiusut isertitaminnit aamma procentimik aalajangersimasumik ingerlatsivimmut akiliisoqarsinnaasoq, tassanilu EU-mit aningaasaliissutit ingerlatsivimmut aamma tutsinneqartariaqartut.
