Tuluit Nunaanni orsussaarniarfiit ikummatissaaleqisut
Tuluit Nunaanni benzinat ikummatissiarineqarnersaasut marluk BP-p orsussaarniarfiinnit amerlasuunit nungorartut sapaatiummat nalunaarutigineqarpoq.
Tuluit Nunaanni orsussaarniarfinni siuleriaat ullut pingajussaat imaaginnavipput. Sumiiffiit ilaanni biilit ikummatissarsiniartut akunnerpassuarnik utaqqeqqaarlutik aatsaat orsertarput.
- Ikummatissaq nalinginnaasoq orsussaarniarfiit 30 procentiini ulluni marlunni kingullerni piumaneqangaatsiarpoq, BP paasissutissiivoq.
Tuluit Nunaarmiut bezina nungussasoralugu uiverlutik pisiniarrapput.
Orsussaarniarfinnut benzinamik, uuliamik dieselimillu pajuttuinissamut aquttussamik amigaateqarneq peqqutigalugu immiisinnaaneq ajornakusoorsinnaasoq, BP-p uuliaatileqatigiiffiillu allat nalunaaruteqarput.
Tuluit Nunaanni lastbiilertartut aquttui 100.000-it maanna amigaatigineqartut, Tuluit Nunaanni angallanermut isumaginnittoqarfik ilisimatitsivoq.
Tuluit Nunaat EU-mut ilaasortaajunnaarnerata kingorna, lastbiilini aquttut nunanit allaneersut 25.000-it Tuluit Nunaat qimappaat.
Lastbiilinik aquttut amigaataangaarmata sakkutuut aquttunngortinnissaat tuluit ministeriunerata, Boris Johnsonip, isumaliutersuutigaa.