Avatangiisit

Silap pissusaata allanngoriartornerata issittumi pakkalussat mikinerulersippai

Pakkalussat Nunatsinniittut silap pissusaata allanngoriartornerata kingunerisaanik mikinerulersimapput, tassa Kalaallit Nunaata kiannerulernera pissutigalugu mikinerulersimallutik.
Assi © : Toke T. Høye
Assi © : Rikke R. Hansen
Allattoq Karsten Sommer, Jaaku Lyberth
oktobarip 07-at 2015 14:05

Aarhusip Universitetiani misissuinerit nutaat tamanna takutippaat.

Pakkalussat issitumiittut 4.500-t, Tunup avannaani ilisimatuussutsikkut misissuisarfimmi Zackenbergimi misissorneqarput, tassa suluisa takissusii uuttortarneqarlutik, tamannalu ukiut tamaasa 1996-imit 2013-ip tungaanut ingerlanneqarluni.

Misissuinermi paasineqarpoq, pakkalussat suluisa takissusiat aasaarnerani kiannerulersimanera pissutigalugu naannerulersimasut.

Taama oqaluttuarpoq ilisimatooq, Toke T. Høye Aarhusip Universitetianeersoq.

Pakkalussat suluisa mikinerulernerisa kingunerissaavaa, taakku ungasissumut timmisinnaajunnaarneri.

- Pakkalussat issitumiittut ima avannarpasitsigisumiipput allaat nillernerusunut nuussinnaanatik, taakkualu kujasinnerusumi kiannerusumilu takussaajunnaarsinnaallutik, Toke.T. Høye oqarpoq.

Silap pissusaata allanngoriartorneratigut imaannaanngitsumik unammilligassaqartoq, Toke T. Høye atuagassiami Biology Lettersimi apersorneqarluni taama oqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk