Klasset sungiusaaviit pilersinneqarlik
Meeqqat kalaallisut oqaaseqanngitsut atuaqatigiinnut iseraangamik atuaqatigiit tamarmik pitsaanerusumik angusaqarnissaraluat apparsarneqartarpoq, taamaammat IMAKip piumasaqaatigaa klasset sungiusarfioqqaartartussat modtageklasset pilersinneqassasut.
Atuartut kalaallisut oqaaseqanngitsut atuaqatigiit ilinniagassaannut apparsaaginnaratik aamma angajoqqaat suleqatiginissaannut ajoqutaasarput, ilinniartitsisoq Cecilie Vahl oqarpoq. Taamaattumik modtageklassenit pilersitseqqusilluni piumasaqaataa ataatsimeersuartunit tapersersorneqarpoq. Nuummi ingammik Thailandimiut meerartaat ajornartorsiortitsisarput, aammali modtageklasset qallunaat meeraannut sivikinnerusumik suliartortunut atorneqartassasut oqaatigaa.
IMAKip siulitttaasua Sivso Dorph neriuppoq inatsisartuni ilaasortanngortussat sukkanerpaamik modtageklasset pilersinneqarnissaat aqqutissiorumaaraat.