Kulturi "Kiviuq" isiginnaagassianngorlugu oqaluttuarineqartoq
Isiginnaagassiaralugu oqaluttuareqqinnerani Kiviuq qaannaminik ingerlaarpoq… ajorsaqqalluni killuutigisaasimallunilu…
Uumasut isikkuminnik allannguisinnaasut naapittarpai, ilaatigut angakkuakkatullusooq isikkullit, quianarsinnaasunik kiisalu killuussigajuttutut pissusillit.
Toornani aggersarpai angerlamut apuussinnaajumalluni.
Inuillu oqaluttuatoqaanni oqaatigineqartarpoq Kiviuq angerlamut apuutsinnani toqussagaluarpat Inuit tamarmik nunamiit tammassasut.
Qilaatersorneq atisalersoriaaserlu
”Kiviuq Returns” Inuit nipilersoriaasaat, qilaatersortarnerat, atisalersoriaasaat minnerunngitsumillu utoqqaat oqaluttuariaasaat atorlugu nutaaliaasumik oqaluttuarineqarpoq. Akunnermillu ataatsimik sivisussuseqarluni.
Isiginnaagassiamik pilersitsisut tassaapput Qaggiavuut - Nunavumi eqqumiitsuliornikkut kiisalu piorsarsimassutsikkut ataatsimoorfimmi Inuit isiginnaartitsisarnerannik nukittorsaaniarlutik suleqatigiissut.
Isiginnaartitsineq pissaaq ullumi tallimanngonermi aqagulu arfininngornermi nalunaaqutaq arfineq pingasunut kiisalu sapaatiuppat sisamanut.
