KIT A/S: - Qarasaasiat misissoqqaarlugit!
oktobarip 18-at 2006 07:23
Kommunit kattutsinnatik qarasaasiami atortorissaarutitik suleriaatitsillu misissortariaqarpaat, IT-kkut ingerlatseqatigiiffiup inuiaqatigiinnit pigineqartup KIT A/S-ip siulersuisui Danmarkimeeqqammisut taama nalunaarput.
Kommunit kattussuunnerisa qanoq oqinnerusumik aaqqissuunneqarsinnaanerat qarasaasiallu atortorissaarutaasa isumannaatsumik ataqatigiissaarneqarnissaat angalanermi siunertarineqarpoq.
- Massakkut suleriaatsit atorneqarneri naammagissagaanni kukkunerussaaq, KIT-imi pisortaq, Ole Kielmann Hansen oqarpoq.
Taassuma siulersuisut Struerimut Holstebro Kommunimullu qanittukkut tikeraaqatigisimavai. Kommunit tikeraarfigineqartut ukiortaamiit kattuttussaapput.
