Kissarnerulernerata saarulliit tammartissinnaavai
Saarulleeqqat 100.000-tit angissusaat 1919-miit misissorneqarsimasut nalunaarusiami allattorneqarsimapput, tassanilu takuneqarsinnaavoq, Skagerrakkimi imaq aasakkut kissarnerugaangat, saarulliit alliartorpallaarneq ajortut.
Nutaarsiassaqartitsivimmi Ritzauimi taama allaaserinnittoqarpoq.
- Silap aasaanerani kissatsikkaluttuinnarnerani Skagerrakip imartaa saarullinnut imarpinniittunut ajoqutaassaaq, silaannaammi kissarnera peqqutaalluni saarullik taamaalilluni allivallaarsinnaajunnaartarmat, norskit amerikamiullu ilisimatuui oqarput.
- Paasivarput silap qanoq innera apeqqutaalluni saarullik upernaakkut aasakkullu alliartortartoq, Leif Stige, Oslop Universititianeersoq oqarpoq, taanna nalunaarusiap suliarineqarneranut peqataavoq, nalunaarusiarlu Proceedings of the National Academy of Sciencesimi takuneqarsinnaavoq.