Kisitseqqissaarnerit apeqqutaalerput
Qinersinerit tusintialunnguit taamaallaat apeqqutaaginnarput. Tassalu kisitseqqissaarnerit aamma allakkatigut taasinerit apeqqutaaginnalersussaapput. Kisitsinerit aqagu naammassineqassapput, tassalu inatsisartuni inissat agguataarneqalissallutik.
Talerperliit naalakkersuisuutitaqartut partiit sisamat imminnut taagortut, Alliansen, maanna amerlanerussuteqarnissaminnut inissanik pingasuinnarnik amigaateqarput.
Allakkatigut taasinerit aamma svenskit nunani allani taasineri suli kisinneqanngillat. Kingullermik qinersisoqarmat, 2006-imi, allakkatigut aamma nunani allaniittut taasineri katillugit 100.000-iupput.
Kisitseqqissaarnerit naammassineqartinnagit, partiit sisamaasut, Alliansen avaqqullugit allanik suleqatissarsiorniarani, statsminister Frederik Reinfeldt ippassaq oqarpoq.
- Pingasunngorpat taasinerit kisinneqareernerinut utaqqisariaqarpugut, Frederik Reinfeldt oqarpoq.
